சேலம் பெரியார் பல்கலைக்கழக பதிவாளர் தங்கவேல் மீது பல்வேறு முறைகேடுகள் குறித்து புகார் அளிக்கப்பட்டது. இந்த முறைகேடு தொடர்பாக விசாரணை நடத்த குழு ஒன்றை தமிழக உயர்கல்வித்துறை அமைத்தது. அக்குழு வெளியிட்ட அறிக்கையின்படி, பதிவாளர் தங்கவேல் மீதான புகாரின் அடிப்படையில் 8 குற்றச்சாட்டுகள் உறுதி செய்யப்பட்டுள்ளதாகவும், 2 குற்றச்சாட்டுகளை மீண்டும் விசாரிக்கவும் பரிந்துரைக்கப்பட்டுள்ளது.

மேலும், நிரூபணமான குற்றச்சாட்டுகள் கடுமையானது என்றும் குறிப்பிடப்பட்டுள்ளது. முறைகேடு புகார்கள் நிரூபணமானதால் பதிவாளரை சஸ்பெண்ட் செய்ய பல்கலை துணைவேந்தருக்கு உயர்கல்வித்துறை உத்தரவிட்டுள்ளது. தங்கவேல் விரைவில் பணி ஓய்வு பெற உள்ள நிலையில் சஸ்பெண்ட் செய்ய உத்தரவிடப்பட்டுள்ளது.