தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/தமிழகம்/கொளத்தூர் தொகுதி எம்எல்ஏ வி.எஸ். பாபு காலமானார்

கொளத்தூர் தொகுதி எம்எல்ஏ வி.எஸ். பாபு காலமானார்

கொளத்தூர் தொகுதி எம்எல்ஏ வி.எஸ். பாபு காலமானார்

20


UPDATED : நவ 19, 2026 04:03 PM

ADDED : நவ 19, 2026 03:27 PM

Follow on GoogleFavourite on Google

UPDATED : நவ 19, 2026 04:03 PM ADDED : நவ 19, 2026 03:27 PM

20


20
Follow on Google
Latest Tamil News
அ நிறம் | அளவு

சென்னை: கொளத்தூர் தொகுதி எம்எல்ஏ பாபு சிகிச்சை பலனின்றி இன்று காலமானார். அவருக்கு வயது 75.

கொளத்தூர் தொகுதி தவெக எம்எல்ஏ வி.எஸ்.பாபு. சட்டசபை தேர்தலில் முன்னாள் முதல்வர் ஸ்டாலினை தோற்கடித்ததால் தமிழகம் முழுவதும் அறியப்பட்டார். உடல்நலக் குறைவால் செப்டம்பர் 9 ம் தேதி சென்னை அம்பத்தூரில் உள்ள மருத்துவமனையில் அனுமதிக்கப்பட்டார். அவரது உடல்நிலை குறித்து அவ்வபோது அறிக்கை வெளியிடப்பட்டன. முதல்வர் விஜய், அமைச்சர்கள் நேரில் சென்று நலம் விசாரித்தனர்.

கடந்த சில நாட்களாக அவரது உடல்நிலை குறித்து எந்த தகவலும் வெளியாகவில்லை. குழப்பமான சூழல் நிலவுகிறது. இதனால், அவரின் உடல்நிலை குறித்த விவரங்களை வெளியிட வேண்டும் எனக்கோரி கொளத்தூர் தொகுதியை சேர்ந்த தேவராஜன் என்பவர் சென்னை ஐகோர்ட்டில் வழக்கு தொடர்ந்துள்ளார்.

இந்நிலையில் வி.எஸ்.பாபு இன்று(நவம்பர் 19) பிற்பகல் 2:24 மணிக்கு சிகிச்சை பலனின்றி மருத்துவமனையில் காலமானார். இதனையடுத்து மருத்துவமனையில் போலீசார் குவிக்கப்பட்டனர்.

முன்னாள் திமுக எம்எல்ஏ

மாஜி திமுக உறுப்பினர். 2006 முதல் 2011 வரை திமுக எம்எல்ஏ ஆக இருந்துள்ளார். 2011 வரை வட சென்னை மாவட்ட திமுக செயலாளர் பதவி வகித்துள்ளார். கொளத்தூர் தொகுதியில் ஸ்டாலினுக்காக பணியாற்றினார். திமுகவில் இருந்து நீக்கப்பட்டார். 2016 ல் அதிமுகவில் இணைந்தார்.

2026 பிப்ரவரி 7 ல் தவெகவில் இணைந்து கொளத்தூர் தொகுதியில் ஸ்டாலினை எதிர்த்து போட்டியிட்டார். 8,795 ஓட்டு வித்தியாசத்தில் வெற்றி பெற்றார்.

மருத்துவமனை அறிக்கை

வி.எஸ். பாபு சிகிச்சை பெற்ற எம்ஜிஎம் மருத்துவமனை வெளியிட்ட அறிக்கையில், '' சுவாச பிரச்னை காரணமாக வி.எஸ்.பாபு செப்டம்பர் 9 ம் தேதி மருத்துவமனையில் அனுமதிக்கப்பட்டார். டாக்டர்களின் தீவிர முயற்சி செய்தும் உடல்நிலை மோசமானது. அவருக்கு மாரடைப்பு ஏற்பட்டு இன்று பிற்பகல் 14:24 மணிக்கு காலமானார். இந்த துயரமான நேரத்தில் அவரது குடும்பத்திற்கும், உறவினர்களுக்கும், ஆதரவாளர்களுக்கும் ஆழ்ந்த இரங்கலை தெரிவிக்கிறோம்,'' எனக்கூறியுள்ளது.



மருத்துவமனை வளாகத்தில் அமைச்சர் ஆதவ் கூறியதாவது: வி.எஸ்.பாபு எப்போதும் சிரித்த முகத்துடன் காணப்படுபவர். விஜயின் அன்பை பெற்றவர். வி.எஸ். பாபு உயிர் பிரிந்தது. தவெகவின் கடினமான காலகட்டங்களில் விஜயுடன் சேர்ந்து பணியாற்றினார். வட சென்னையின் முகம். வட சென்னை மொழியை பேசக்கூடியவர். கொளத்தூர் , பெரம்பூர், வில்லிவாக்கம் தொகுதியில் மக்கள் விரும்பக்கூடியவராகவும், குடும்பத்தில் ஒருவராகவும் விஎஸ் பாபு இருந்தார். பாபு அழைப்பின் பேரில் பெரம்பூர் தொகுதிக்கு பிறகு கொளத்தூரில் விஜய் பிரசாரம் செய்தார் என்றார்.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us