சட்டசபையில் , சட்டத்துறை மானிய கோரிக்கை மீதான விவாதத்திற்கு பதில் அளித்தபோது, அவர் வெளியிட்ட அறிவிப்புகள்:

 தமிழில் சட்டம் பயில விரும்பும், அரசு சட்டக்கல்லுாரி மாணவர்களுக்காக, அனைத்து சட்ட பாடப்புத்தகங்கள், சட்ட முன் படிப்பு புத்தகங்கள், 22 லட்சம் ரூபாய் செலவில், தமிழில் மொழிபெயர்க்கப்படும்

 மாணவர்களுக்கு புதுமையான கற்றல் அனுபவத்தை அறிமுகப்படுத்த, அனைத்து அரசு சட்டக் கல்லுாரிகளிலும், ஒரு கோடி ரூபாயில், திறன்மிகு வகுப்பறை எனப்படும், 'ஸ்மார்ட் கிளாஸ்ரூம்' அமைக்கப்படும்

 அனைத்து அரசு சட்டக் கல்லுாரிகளிலும், ஒரு கோடி ரூபாயில், மின் நுாலகம் அமைக்கப்படும்

 சர்வதேச, தேசிய சட்டப் பல்கலைகளுடன், மாணவர் பரிமாற்றத் திட்டம் செயல்படுத்தப்படும்

 திருச்சி, கோவை, மதுரை, நெல்லை அரசு சட்டக்கல்லுாரி மாணவ - மாணவியர் விடுதிகள், 3 கோடி ரூபாயில் சீரமைக்கப்படும்

 திருச்சி தேசிய சட்டப் பல்கலைக்கு, இந்த ஆண்டு 2.50 கோடி ரூபாய், அடுத்து ஆண்டுக்கு ஒரு கோடி ரூபாய் வீதம், ஐந்து ஆண்டுகளுக்கு வழங்கப்படும்

 சட்டத்துறை நுாலகத்தில் 31 லட்சம் ரூபாயில், மின் நுாலகம் அமைக்கப்படும்.

இவ்வாறு அதில் கூறப்பட்டுள்ளது.