அவரது அறிக்கை:

* பருவ காலத்தில் பறவைகள் சரணாலயத்துக்கு வருவது போல், தேர்தல் காலங்களில், தமிழகத்தில் வட்டமடிக்கும் பிரதமரே... குஜராத் மாடல், சவுக்கிதார் வேடங்கள் போலி என அம்பலமானதால், கியாரன்டி கார்டுடன் லோக்சபா தேர்தலுக்கு வந்திருக்கும் பிரதமரே, இதோ இந்த கியாரன்டிகளை தருவீர்களா?

* ஜாதிவாரி கணக்கெடுப்பு நடத்தப்படும்; இட ஒதுக்கீட்டுக்கான உச்சவரம்பு நீக்கப்படும்

* எஸ்.சி., - எஸ்.டி., - ஓ.பி.சி., இட ஒதுக்கீடு முறையாக கடைபிடிக்கப்படும்

* தமிழகத்திற்கு 'நீட்' நுழைவுத்தேர்வு விலக்கு

* ஒருபோதும் ஹிந்தி மற்றும் சமஸ்கிருதம் திணிக்கப்படாது

* மாநில பட்டியலுக்குக் கல்வி மாற்றம்; கல்விக் கடன்கள் ரத்து

* ஆண்டுக்கு 2 கோடி இளைஞர்களுக்கு வேலை, ஊரக வேலை உறுதித் திட்டத்தில் ஊதியம் 400 ரூபாய்

* வேளாண் விளைபொருட்களுக்கு நியாயமான குறைந்தபட்ச ஆதரவு விலை நிர்ணயம்

* தாறுமாறாக உயர்த்தப்பட்ட பெட்ரோல், டீசல், காஸ் சிலிண்டர் விலையை குறைப்பேன்; செஸ், சர் சார்ஜ் என்ற வரிக்கொள்ளை அறவே நீக்கம்

* அமலாக்கத் துறை, -வருமான வரித்துறை, சி.பி.ஐ., ஆகியவை சுதந்திரமாகச் செயல்படும்

* மாநிலங்களை வஞ்சிக்காத நியாயமான நிதிப்பகிர்வு தருவேன்

* வணிகர்களையும் சிறு, குறு தொழில்களையும் வதைக்கும் ஜி.எஸ்.டி., வரியில் சீர்திருத்தம்

* கும்பல் வன்முறைகளை இரும்புக்கரம் கொண்டு ஒடுக்குவேன்

* வியாபம் முதல் தேர்தல் பத்திரங்கள் வரை, பா.ஜ.,வின் ஊழல்கள் குறித்து வெளிப்படையான விசாரணைக்கு உத்தரவிடுவேன்

* கருத்து சுதந்திரம், பேச்சு சுதந்திரம், ஊடக சுதந்திரத்தை அனுமதிப்பேன்

* சீனா ஆக்கிரமித்துள்ள பகுதிகளை மீட்பேன்

* தமிழக மீனவர்களின் படகுகளை மீட்பேன்; தாக்குதலை நிறுத்துவேன்

* 'அக்னிபாத்' திட்டத்தை ரத்து செய்வேன்

* வெள்ள நிவாரணத்துக்கு தேசிய பேரிடர் நிதியில் இருந்து உடனடி ஒதுக்கீடு

* சென்னை மெட்ரோ பணிகளுக்கு ஒப்புக் கொண்டபடி ஒன்றிய அரசின் நிதி விடுவிப்பு

* தமிழை இந்தியாவின் அலுவல் மொழியாக, திருக்குறளை தேசிய நுாலாக, உயர் நீதிமன்றத்தில் தமிழை வழக்காடு மொழியாக்கச் சட்டம் இயற்றுவேன்

* குடியுரிமை திருத்தச் சட்டத்தை வாபஸ் பெறுவேன்

* சிறுபான்மை மக்களை இரண்டாம் தரக் குடிமக்களாக நடத்த மாட்டேன்

* இதற்கெல்லாம் நீங்கள் கியாரன்டி அளிக்கத் தயாரா?

இல்லையென்றால், உங்கள் உத்தரவாதம் என்பது, ஊழல் கறை படிந்தவர்களுக்குக் காவிக்கறை பூசும், 'மேட் இன் பா.ஜ., வாஷிங் மெஷினுக்கு' மட்டுமே என்பது மீண்டும் ஒருமுறை அம்பலமாகும். இவ்வாறு முதல்வர் கூறியுள்ளார்.