தமிழகம் முழுதும் 50,000க்கும் மேற்பட்ட சுற்றுலா வாகனங்கள் இயக்கப்படுகின்றன. இந்த தொழிலை நம்பி, லட்சக்கணக்கானோர் இருக்கின்றனர்.

இதற்கிடையே, தமிழகத்தில் சட்டசபை தேர்தல் அறிவிக்கப்பட்டு, தேர்தல் நடத்தை விதிகள் உடனடியாக அமலுக்கு வந்து, கெடுபிடி சோதனைகள் அதிகரித்துள்ளன. இதனால், சுற்றுலா தொழில் பாதிக்கப்பட்டுள்ளது.

இது குறித்து, சென்னை சுற்றுலா வாகன உரிமையாளர்கள் சங்கத்தின் நிறுவன தலைவர் அன்பழகன், பொதுச்செயலர் சுகுமார் ஆகியோர் கூறியதாவது:

தமிழகத்தில் நடக்க உள்ள சட்டசபை தேர்தல் கெடுபிடியால், நகரங்களிலும், நெடுஞ் சாலைகளிலும் ஆங்காங்கே வாகனங்களை நிறுத்தி சோதனை செய்வது அதிகரித்து உள்ளது.

குடும்பத்தோடு சுற்றுலாவுக்கு செல்வோருக்கு, இது சிரமத்தை ஏற்படுத்துகிறது. தேர்தல் பிரசாரமும், பொதுக் கூட்டங்களும் பரவலாக நடக்கின்றன.

இதனால், சுற்றுலா திட்டங்களை பலரும் தவிர்த்து வருகின்றனர். இதனால், எங்களுக்கு 30 முதல் 40 சதவீதம் வரை வருவாய் இழப்பு ஏற்பட்டுள்ளது.

இவ்வாறு அவர்கள் கூறினார்.