சி.எஸ்.ஆர்., எனும் கார்ப்பரேட் சமூக பொறுப்பு திட்டத்தின் கீழ், தமிழக அரசின் போக்குவரத்து துறையுடன் மாருதி நிறுவனம் இணைந்து இந்த மையங்களை அமைத்து உள்ளது.

தமிழக முதல்வர் ஸ்டாலின், 'வீடியோ கான்பரன்ஸ்' வாயிலாக, கோவை, திருவண்ணாமலை, கிருஷ்ணகிரி, மதுரை, சிவகங்கை, திண்டுக்கல் மற்றும் திருச்சி ஆகிய பகுதிகளில் உள்ள பிராந்திய போக்குவரத்து அலுவலகங்களில் இந்த டிரைவிங் சோதனை மையங்களை துவக்கி வைத்தார்.

இந்த தானியங்கி சோதனை மையங்கள், ஓட்டுநர் உரிமம் பெறுவதற்கான சோதனைகளை மிக துல்லியமாக நடத்த உதவும். மேலும், இது சாலை பாதுகாப்பை உறுதி செய்யும் என்று மாருதி சுசூகி நிறுவனம் தெரிவித்துள்ளது.