அதன்படி ஜூலை 28 இரவு, 7:00 மணிக்கு மேட்டூர் அணை நீர்வரத்து வினாடிக்கு, 1.10 லட்சம் கன அடியாக அதிகரிக்கப்பட்டது.

அதற்கேற்ப அணையில் இருந்து வினாடிக்கு, 18,000 கனஅடி நீர், அனல்மின் நிலையங்கள் வழியாக பாசனத்துக்கும், மீதி, 92,000 கனஅடி உபரிநீர், 16 கண் மதகு வழியாகவும் வெளியேற்றப்பட்டது. நேற்று முன்தினம் வரை அதே நிலை நீடித்தது.

இந்நிலையில், பருவமழை குறைந்து கர்நாடகா அணைகளின் நீர்வரத்து குறைந்தது. அதற்கேற்ப கபினி, கே.ஆர்.எஸ்., அணைகளின் உபரிநீர் திறப்பு குறைக்கப்பட்டது. நேற்று அதிகாலை, 4:00 மணிக்கு வினாடிக்கு, 1.10 லட்சம் கனஅடியாக இருந்த மேட்டூர் அணை நீர்வரத்து காலை, 9:00 மணிக்கு, 70,000 கனஅடி, மதியம், 1:00 மணிக்கு, 50,000 கனஅடியாக சரிந்தது.

இதற்கேற்ப நேற்று மதியம், 1:00 மணிக்கு அணையில் இருந்து வினாடிக்கு, 18,000 கனஅடி நீர் பாசனத்துக்கும், 16 கண் மதகு வழியே உபரியாக 32,000 கனஅடி நீரும் காவிரியில் வெளியேற்றப்பட்டது.