மினி பஸ்களில், 0 - 2 கி.மீ.,க்கு 2 ரூபாய்; 2 - 4 கி.மீ.,க்கு 4 ரூபாய்; 4 - 6 கி.மீ.,க்கு 5 ரூபாய்; 6 - 8 கி.மீ., 6 ரூபாய்; 8 - 10 கி.மீ., 7 ரூபாய்; 10 - 12 கி.மீ., 8 ரூபாய்; 12 - 18 கி.மீ., வரை 9 ரூபாய்; 18 - 20 கி.மீ.,க்கு 10 ரூபாய் என, அரசால் புதிய கட்டணங்கள் அறிவிக்கப்பட்டன.

'இந்த கட்டணத்தை ஏற்க முடியாது. டீசல் விலைக்கு ஏற்ப, மினி பஸ் கட்டணத்தை நிர்ணயிக்க வேண்டும்' என, கோரிக்கை எழுந்துள்ளது.

இதுகுறித்து, மினி பஸ் உரிமையாளர்கள் கூறியதாவது:

தமிழகத்தில் 1 கி.மீ., பயணத்திற்கு, 56 காசு கட்டணம் நிர்ணயிக்கப்பட்டுள்ளது. அண்டை மாநிலங்களில், 1.16 ரூபாய் கட்டணம்.

தற்போதுள்ள டீசல் விலைக்கு ஏற்ப, கட்டணத்தை நிர்ணயிக்க வேண்டும். எங்களது கோரிக்கையை தமிழக அரசு ஏற்று, நியாயமான கட்டணத்தை நிர்ணயிக்கும் என எதிர்பார்க்கிறோம்.

இவ்வாறு அவர்கள் கூறினர்.