நாம் தமிழர் கட்சி தலைமை ஒருங்கிணைப்பாளரான சீமானின் சொந்த ஊர் சிவகங்கை மாவட்டம் இளையான்குடி அருகே உள்ள அரணையூர் கிராமம். இங்கு அவரது தாயார் அன்னம்மாள் வசித்து வருகிறார். விவசாய வேலைகளை கவனித்துக் கொண்டு 100 நாள் வேலைக்கும் சென்று வருகிறார்.

இந்நிலையில் பிப்.,21ல் திருச்சியில் நடக்கும் நாம் தமிழர் கட்சி மாநாட்டிற்காக அன்னம்மாள் கட்சியினரோடு அரணையூர் கிராமத்தில் வீடுதோறும் சென்று தேங்காய், பழத்தட்டுடன் வெற்றிலை, பாக்கு வைத்து மாநாடு நோட்டீசை பொதுமக்களுக்கு வழங்கி கண்டிப்பாக மாநாட்டில் கலந்து கொள்ள வேண்டும்; சீமானின் பேச்சை கேட்க வேண்டுமென்று கேட்டுக்கொண்டார்.

இந்த வீடியோ இணையத்தில் வெளியாகி பல்வேறு தரப்பினர் கவனத்தை ஈர்த்து வருகிறது.

வீடியோவை பார்க்க இங்கே கிளிக் செய்யவும் https://x.com/i/status/2021947831058346355