புத்தாண்டு கொண்டாட்டம் வரும் ஜன., 1ம் தேதி கொண்டாடப்பட உள்ளது. இந்நிலையில், சென்னை போலீசார் சில அறிவுறுத்தல்களை வழங்கி உள்ளனர். அதன் விவரம் பின்வருமாறு:

* புத்தாண்டு கொண்டாட்டத்தின் போது மாமல்லபுரம், இ.சி.ஆர்., சாலை பகுதிகளில் இரவு 12 மணிக்கு மேல் கேளிக்கை நிகழ்ச்சிகள் கூடாது.

* டிச., 31ம் தேதி மாலை 6 மணிக்கு மேல் நீச்சல் குளங்களில் அனுமதிக்கக் கூடாது; ஹோட்டல்களில் சி.சி.டி.வி., செயல்படுவதை உறுதி செய்ய வேண்டும்.

* தனியார் ஹோட்டல்களில் அடையாள அட்டை வழங்காதவர்களுக்கு அறை கொடுக்கக் கூடாது; கடற்கரை ரிசார்ட்டில் தங்குவோர் இரவு 12 மணிக்கு மேல் வெளியே வரக்கூடாது.

* வாழ்த்து சொல்வது போல் பெண்களை கேலி, கிண்டல் செய்பவர்கள் மீது கடும் நடவடிக்கை எடுக்கப்படும்.

இவ்வாறு போலீசார் அறிவுறுத்தல் வழங்கி உள்ளனர்.