நாகர்கோவிலில் அவர் கூறியதாவது: தமிழக மீனவரை இலங்கை கடற்படையினர் சுட்டு கொன்றது கண்டனத்துக்குரியது. நாடு முழுவதும் 31 இடங்களில் ஹைட்ரோ கார்பன் திட்டம் கொண்டு வர நடவடிக்கை எடுக்கப்பட்டது. அதில் தமிழகமும் ஒன்று. ஜெ., முதல்வராக இருந்தபோது சில அமைப்புகள் தலை துாக்காமல் இருந்தன. தற்போது அந்த அமைப்புகள் தலை துாக்குகின்றன. இதுபற்றி உளவுத்துறை விசாரித்து நடவடிக்கை எடுக்க வேண்டும். இடைப்பாடி பழனிசாமி மற்றும் சசிகலா மீது நடவடிக்கை எடுத்த போலீஸ் அதிகாரிகள் காத்திருப்போர் பட்டியலில் வைக்கப்பட்டுள்ளனர். அ.தி.மு.க.,வும் மக்களால் காத்திருப்போர் பட்டியலில் தள்ளப்படும் நிலை உருவாகும். தமிழகத்தில் தற்போது பா.ஜ., வுக்கு ஆதரவு பெருகி வருகிறது, என்றார்.