அவற்றின் விபரம்:

n தமிழ்நாடு மின் துாக்கிகள் சட்டம் - 1997ல், இயங்கும் படிக்கட்டுகளை நிறுவுதல், பராமரித்தல் மற்றும் பாதுகாப்பாக இயக்குதல் ஆகியவற்றை முறைப்படுத்த, வழிவகை இல்லை. எனவே, அவற்றை சேர்ப்பதற்காக, சட்டத் திருத்தம் செய்தல்

n தமிழ்நாடு ஒளிவு மறைவற்ற ஒப்பந்தப்புள்ளிகள் சட்டம் - 1998ல், அரசு கொள்முதலில், ஒளிவு மறைவின்றி செயல்படுவதற்கும், ஒப்பந்த புள்ளிகளை வரவேற்று ஏற்றுக்கொள்ளும் நடைமுறையை ஒழுங்குபடுத்துவதற்கும் இயற்றப்பட்டது. இதில், மின்னணு கொள்முதல் முறையை சேர்க்க வகை செய்தல்

n உடல் ஊனமுற்றோரின் உரிமைகள் சட்டம் - 2016ன், 34ம் பிரிவு, ஊனமுற்றோருக்கு அரசு நிறுவனங்களில், 4 சதவீதம் ஒதுக்கீட்டிற்கு வழிவகை செய்கிறது. அதற்கேற்ப, தமிழக அரசு பணியாளர்கள் பணி நிபந்தனைகள் சட்டத்தில் திருத்தம் கொண்டு வருதல்

n செயல்பாட்டில் இல்லாத, சில

சட்டங்களை நீக்க, தமிழக அரசு முடிவு செய்துள்ளது. அதன்படி, தமிழக அரசு தொடர்புடைய, 10 நிதி ஒதுக்கீட்டு சட்டங்களை நீக்குதல்

n தமிழ்நாடு உடற்கல்வியியல் மற்றும் விளையாட்டு பல்கலை; தமிழ்நாடு வேளாண் பல்கலை; தமிழ்நாடு கால்நடை மருத்துவ அறிவியல்

பல்கலை ஆகியவற்றில் துணைவேந்தர் நியமனத்திற்காக, தனித்தனியே மூன்று சட்ட திருத்தம் கொண்டு வருதல்

n தமிழ்நாடு கடலோர பகுதியில், பாரம்பரிய மீனவர்களின் நலனை பாதுகாக்கவும், மீன்பிடித் தொழிலை முறைப்படுத்தவும், மீன் பிடி ஆதாரங்களை பாதுகாக்கவும், தமிழ்நாடு கடல் மீன்பிடிப்பு ஒழுங்குமுறைப்படுத்துதல் திருத்த சட்டம், 2017ல் கொண்டு வரப்பட்டது. இதில்

3 கடல் மைல் தொலை துாரம்

என்பது, 5 கடல் மைல் துாரம் என, மாற்றி அமைத்தல்

இந்த சட்ட முன்வடிவுகளும், ஏற்கனவே சட்டசபையில் தாக்கல் செய்யப்பட்ட, பல்வேறு சட்ட முன்வடிவுகளும், இன்று ஆய்வுக்கு எடுத்துக் கொள்ளப்பட்டு, நிறைவேற்றப்படுகிறது.

தமிழ்நாடு பொன்விழா - ஸ்டாலின் தகவல் : எதிர்க்கட்சி தலைவர் ஸ்டாலின் சட்டசபையில் நேற்று பேசியதாவது: இந்த மாநிலத்தின் பெயர் 'மதராஸ்' என அழைக்கப்பட்டது. இதை 'தமிழ்நாடு' என பெயர் மாற்ற இதே தேதியில் 1967ல் அண்ணாதுரை தீர்மானம் கொண்டு வந்தார். அந்த தீர்மானம் நிறைவேற்றப்பட்ட, பொன்விழா ஆண்டு தற்போது நடைபெறுகிறது. அதை இங்கு நினைவுப்படுத்துகிறேன்.