ADDED : மார் 17, 2019 04:06 PM

சென்னை: பணமூட்டை அரசியல் வெற்றி பெறாது என அமமுக கட்சி தலைவர் தினகரன் கூறியுள்ளார். இவர் மேலும் நிருபர்களிடம் கூறியதாவது: எங்கள் கட்சியின் தேர்தல் அறிக்கை 22 ம் தேதி அறிவிக்கப்படும். பயில்வான்கள் கொண்ட பண மூட்டை கூட்டணி அமைந்துள்ளது. இதற்கு மக்கள் மத்தியில் மதிப்பு இல்லை. எம்.ஜி.ஆர். ஜெயலலிதா தலைமையில் இயங்கிய இயக்கம். துரோக கும்பல், இரட்டைத்தலை பாம்பு கையில் சிக்கி இருக்கிறது. தொகுதி பங்கீடு என ஒவ்வொரு விடுதியாக ஏறி இறங்கி வருகின்றனர்.
தமிழக மக்கள் மாற்றத்தை எதிர்பார்த்துள்ளனர். பண மூட்டை கூட்டணி வெற்றி பெறாது. பித்தலாட்டத்தை மக்கள் நம்ப மாட்டார்கள். திருவாரூர் இடைத்தேர்தலை சந்திக்க அஞ்சி வழக்கு போட்டனர். தேர்தலை கண்டு பலர் அஞ்சி வருகின்றனர். தமிழகம் முழுவதும் போட்டியிடுவதில் மகிழ்ச்சியாக உள்ளோம். எங்களிடம் அநுபவம் உள்ளவர்கள் தான் வேட்பாளர்களாக அறிவிக்கப்பட்டுள்ளனர். தேனி லோக்சபாவில் நான் நின்றாலும் நிற்பேன். நோட்டாவுடன் போட்டியிடும் தமிழிசைக்கு நான் பதில் சொல்ல விரும்பவில்லை. இவ்வாறு அவர் கூறினார்.
