போலீசார், பல இடங்களிலும் தேடி வந்தனர். இந்த நிலையில், நேற்று பகல், 12:00 மணிக்கு, சக்திவேல், கோவை கலெக்டர் அலுவலகம் வந்தார்.

அங்கு, நிருபர்களிடம் கூறியதாவது: நான், கோத்தகிரியில் இருந்து திரும்பி வந்து, கவுண்டம்பாளையம் பஸ் ஸ்டாண்டில், நிறுத்தப்பட்டிருந்த பைக்கை எடுக்கச் சென்றேன். அப்போது, ஒருவர் போலீஸ் உடையில் வந்தார். அவர், பாதுகாப்புக்காக வந்திருப்பதாகக் கூறி, காரில் ஏற்றிக் கொண்டார். அப்போது, இன்னொருவர், கர்சீப்பால் என் மூக்கை அடைத்தார். சிறிது நேரத்தில் நான் மயங்கி விட்டேன். கண் விழித்தபோது, நான் கேரள மாநிலம், திருவனந்தபுரத்தில் இருப்பதை அறிந்து, அதிர்ச்சி அடைந்தேன். கடத்தப்பட்டதை தெரிந்து கொண்ட நான், கண்களை மூடி, பேசாமல் இருந்தேன். அவர்கள், 'கல்லைக் கட்டி கடலில், இவனை வீசி விடலாம்' என, பேசிக் கொண்டனர். அதிர்ச்சி அடைந்த நான், மெதுவாகச் சென்ற காரில் இருந்து குதித்து தப்பி, கோவை வந்து விட்டேன்.

இவ்வாறு, அவர் தெரிவித்தார். இது தொடர்பாக, குனியமுத்தூர் போலீசார் விசாரிக்கின்றனர்.