அந்தந்த மாவட்டங்களில் உள்ள தாசில்தார், ஆர்.டி.ஓ.,விடம் மனு கொடுத்த நிலையில் 3ம் நாளாக (இன்று)கலெக்டரிடம் மனு கொடுத்து வேலைநிறுத்தத்தில் ஈடுபட உள்ளதாக சங்கத்தினர் தெரிவித்தனர். அவர்கள் கூறியதாவது:

கூட்டுறவுத் துறையின் கீழ் தான் பணிநியமனம், சம்பளம் பெறுகிறோம். ஆனால் ஊராட்சி தலைவரில் தொடங்கி டி.ஆர்.ஓ., டி.எஸ்.ஓ., நுகர்வோர் பாதுகாப்புத்துறை என 16 துறைகளைச் சேர்ந்த அதிகாரிகள் நினைத்த நேரத்தில் ஆய்வுக்கு வருகின்றனர். இதனால் எங்களின் பணிச்சுமை அதிகரிப்பதுடன் மனஅழுத்தம் ஏற்படுகிறது. கூட்டுறவுத் துறையின் கீழ் மட்டுமே அதிகாரிகள் ஆய்வு செய்து தவறு இருந்தால் நடவடிக்கை எடுக்க பரிந்துரைக்க வேண்டும்.

கோடவுனிலும் தராசு வேண்டும்:

ரேஷன் கடைகளில் கம்ப்யூட்டருடன் எடை தராசை இணைத்து கார்டுதாரர்களுக்கு சரியான எடையில் அரிசி, பருப்பு, சீனி வழங்க ஏற்பாடு செய்யப்பட்டுள்ளது. அதே நேரத்தில் நுகர்பொருள் வாணிபக் கழக கோடவுனிலும் கம்ப்யூட்டருடன் எடை தராசை இணைத்து சரியான எடையில் மூடைகள் அனுப்புவதை உறுதி செய்ய வேண்டும். ஒரு குடும்பத்தில் 5 பேர் இருந்தால் குறைந்தது இரண்டு பேர் கைரேகை வைக்க வருவதே இல்லை. குழந்தைகளின் கைரேகைகள் முழுமையாக பதிவாகாமல் சுற்றிக் கொண்டே இருக்கிறது. இதனால் ஒவ்வொரு கார்டுக்கும் கூடுதல் நேரமாகிறது. 70 சதவீதம் பேரிடம் கைரேகை பெற்றுள்ளோம். அதை 40 சதவீத அளவு இருந்தால் போதும் என்ற நிலைக்கு மாற்றினால் கைரேகையால் ஏற்படும் தாமதத்தை தவிர்க்க முடியும்.

சோதனை அடிப்படையில் திண்டுக்கல், துாத்துக்குடி ரேஷன் கடைகளில் கார்டுதாரர் வாங்கும் அரிசி, பருப்பு என ஒவ்வொரு பொருளுக்கும் ஒவ்வொரு முறை கைரேகை வைத்து பதியும் முறை செயல்படுத்தப்படுகிறது. இதனால் ஒரு மணி நேரத்தில் 3 பேருக்கு மட்டுமே பொருட்களை வழங்க முடிகிறது. கார்டுதாரர்கள் நீண்டநேரம் காக்க வைக்கப்படுவதாக தகராறு செய்வதால் இந்த நடைமுறையை மாற்ற வேண்டும்.

எங்களது கோரிக்கைகள் குறித்து கூட்டுறவுத்துறை பதிவாளர் பேச்சுவார்த்தை நடத்த வேண்டும். இல்லாவிட்டால் ஏப். 27 ல் திருச்சியில் நடைபெற உள்ள மாநில அளவிலான செயற்குழு கூட்டத்தில் அடுத்தகட்ட நடவடிக்கை குறித்து முடிவெடுக்கப்படும் என்றனர்.