இது குறித்து சென்னை வானிலை மையம் வெளியிட்டுள்ள அறிக்கை:

இன்றும், நாளையும்!

நீலகிரி, கோவைக்கு இன்றும் (ஜூன் 25), நாளையும் (ஜூன் 26) மிக கனமழைக்கான ஆரஞ்சு அலெர்ட் விடுக்கப்பட்டு உள்ளது.

அதேபோல், தேனி, தென்காசி ஆகிய 2 மாவட்டங்களுக்கு கனமழைக்கான மஞ்சள் அலெர்ட் விடுக்கப்பட்டு உள்ளது.

ஜூன் 27,28ம் தேதி

நீலகிரி மற்றும் கோவை மாவட்ட மலை பகுதிகளில் வரும் ஜூன் 27,28 ஆகிய 2 நாட்களில் கனமழை (மஞ்சள் அலெர்ட்) பெய்ய வாய்ப்புள்ளது.

சென்னையில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒரு சில இடங்களில் லேசானது முதல் மிதமான மழை பெய்ய வாய்ப்புள்ளது. இவ்வாறு அதில் கூறப்பட்டுள்ளது.