இது தொடர்பாக ‛எக்ஸ்' சமூக வலைதளத்தில் ஸ்டாலின் வெளியிட்ட அறிக்கை: மிக்ஜாம் புயல் மற்றும் வெள்ளப் பாதிப்புகளுக்கான நிவாரணமாகத் தமிழகம் கோரியது ரூ.37,907 கோடி. பாதிக்கப்பட்ட மக்களுக்கு உடனடி நிவாரணமாகவும், உள்கட்டமைப்புகளை மறுசீரமைக்கவும் தமிழக அரசு மாநிலப் பேரிடர் நிதியில் இருந்து இதுவரை ரூ.2,477 கோடி செலவு செய்துள்ளது. ஆனால், மத்திய பா.ஜ., அரசு தற்போது அறிவித்து இருப்பதோ வெறும் ரூ.276 கோடி. இதுவும் நாம் உச்சநீதிமன்றத்தை நாடிய பிறகே அறிவிக்கப்பட்டு உள்ளது.

தமிழகத்திற்கு நிதியும் கிடையாது. நீதியும் கிடையாது என வஞ்சிக்கும் மத்திய பா.ஜ., அரசின் ஒவ்வொரு செயல்களையும் நம் மக்கள் பார்த்துக் கொண்டு தான் இருக்கிறார்கள். இவ்வாறு அந்தப் பதிவில் ஸ்டாலின் கூறியுள்ளார்.