ஒவ்வொரு தொகுதிக்கும் மின்னணு ஓட்டுப்பதிவு இயந்திரங்கள் மூலம் எந்தவொரு தேர்தலையும் நடத்துவதற்கு முன்பு, 1951ம் ஆண்டு மக்கள் பிரதிநிதித்துவச் சட்டத்தின் பிரிவு 61-ஏ இன் ஆணையைப் பின்பற்றுமாறு, தேர்தல் ஆணையத்திற்கு உத்தரவிடக் கோரிய மனுவை தனி நீதிபதி கடந்த ஆண்டு தள்ளுபடி செய்தார்.

தனி நீதிபதியின் உத்தரவை எதிர்த்து ரமேஷ் சந்தர் தாக்கல் செய்த மேல்முறையீட்டை தற்காலிக தலைமை நீதிபதி விபு பக்ரு மற்றும் நீதிபதி துஷார் ராவ் கெடியா ஆகியோர் அடங்கிய அமர்வு விசாரித்து வந்தது.

சட்ட விதிகள் ஆணையம் ஓட்டுகளைப் பதிவு செய்ய மின்னணு இயந்திரங்களைப் பயன்படுத்த அனுமதித்ததையும், அத்தகைய மின்னணு ஓட்டுப்பதிவு இயந்திரங்கள் ஏற்றுக்கொள்ளப்பட வேண்டிய தொகுதிகள் அமைப்பால் குறிப்பிடப்பட்டதையும் அமர்வு கவனித்தது.

இருதரப்பு வாதங்களையும் கேட்ட அமர்வு, 'தற்போதைய மேல்முறையீட்டில் எந்த தகுதியும் இல்லை. தள்ளுபடி செய்யப்படுகிறது' என உத்தரவிட்டது.