இந்த வழக்கு நேற்று விசாரணைக்கு வந்தது. அப்போது, வழக்கில் குற்றஞ்சாட்டப்பட்ட முன்னாள் அமைச்சர் செந்தில் பாலாஜி, அவரது தம்பி அசோக்குமார் உள்ளிட்ட அனைவரும் நேரில் ஆஜராகினர். அதைத்தொடர்ந்து, வழக்கில் குற்றஞ்சாட்டப்பட்ட எம்.கார்த்திகேயன் தரப்பில், சட்டவிரோத பணப் பரிமாற்ற தடை வழக்கின் விசாரணையை தள்ளி வைக்கக்கோரி மனுத்தாக்கல் செய்யப்பட்டது.

மனுவில், 'எம்.பி., - எம்.எல்.ஏ.,க்கள் மீதான வழக்குகளை விசாரிக்கும் சிறப்பு நீதிமன்றத்தில், நிலுவையில் உள்ள மோசடி வழக்கு விசாரணை முடியும் வரை, சட்ட விரோத பணப் பரிமாற்ற தடை சட்ட வழக்கின் விசார ணையை தள்ளி வைக்க வேண்டும்' என குறிப்பிட்டிருந்தார். அந்த மனுவுக்கு, அமலாக்கத்துறை பதில் அளிக்க, 'நோட்டீஸ்' அனுப்ப உத்தரவிட்ட நீதிபதி எஸ்.கார்த்திகேயன், விசாரணையை, 28ம் தேதிக்கு தள்ளி வைத்தார்.