துாத்துக்குடி மாவட்டம், ஏரல் அடுத்த ஆறுமுகமங்கலத்தை சேர்ந்தவர் கவின் செல்வ கணேஷ், 27. ஐ.டி., ஊழியரான இவர் பட்டியலினத்தை சேர்ந்தவர். ஜூலை 2ல் ஆணவ கொலை செய்யப்பட்டார். கொலை குறித்து, சி.பி.சி.ஐ.டி., போலீசார் விசாரித்து வருகின்றனர்.

மாநில எஸ்.சி., - எஸ்.டி., ஆணைய தலைவர் தமிழ்வாணன் விசாரணை நடத்தினார். அப்போது, கவின் தந்தை சந்திரசேகர் உயிருக்கும், குடும்பத்தாருக்கும் ஆபத்து இருப்பதாக, அவர்களின் உறவினர்கள் கோரிக்கை வைத்தனர். இதையடுத்து, கவின் வீட்டிற்கும், அவரது தந்தைக்கும், துப்பாக்கி ஏந்திய போலீஸ் பாதுகாப்பு வழங்கப்பட்டுள்ளது.