அங்கு, 2019 - 20ல் உற்பத்தி துவக்க திட்டமிடப்பட்டது. ஒப்பந்த நிறுவனங்கள் கட்டுமான பணிகளில் அலட்சியம் காட்டியதால், திட்டமிட்டபடி பணிகளை முடிக்க முடியவில்லை.

நீண்ட இழுபறிக்கு பின், ஜன., 14ம் தேதி அதிகாலை, 1:39 மணிக்கு, வடசென்னை - 3 மின் நிலையத்தில், சோதனை ரீதியாக மின் உற்பத்தி துவங்கியது. அங்கு, 111 மெகா வாட் மின்சாரம் உற்பத்தி செய்யப்பட்டது.

பின், மின் உற்பத்தி நிறுத்தப்பட்டது. பல்வேறு கட்ட சோதனை செய்யப்பட்டு வந்தன. தற்போது, கோடை வெயில் கடுமையாக உள்ளது. இதனால், மின் தேவை கூடியுள்ளது.

எனவே, வட சென்னை - 3 மின் நிலையத்தில், அடுத்த வாரம் அதாவது, வரும் 10க்குள் வணிக ரீதியிலான மின் உற்பத்தியை துவக்க, மின் வாரியம் முடிவு செய்துள்ளது. இதனால், தமிழகத்திற்கு கூடுதலாக, 800 மெகா வாட் மின்சாரம் கிடைக்கும்.