தயங்கும் தலைகள்
3. தாமரை கட்சியில் ஆறு முறைக்கும் மேல் தேர்தலில் போட்டியிட்டு தோல்வி அடைந்த தெற்கத்திய பெண்மணி, இம்முறையும் சென்னையில் போட்டியிடுகிறார். அவருக்கு இம்முறை சீட் கொடுத்ததில், கட்சியின் மேல் மட்டத்தில் இருந்து கீழ்மட்டம் வரை யாருக்குமே பிடிக்கவில்லையாம். அதனால், கட்சியின் இரண்டாம் கட்டத் தலைவர்கள் யாரும் அவருக்காக பிரசாரத்துக்கு செல்ல தயங்குகின்றனராம். இசையான அந்த பெண்மணி வேண்டி கேட்ட பிறகும் தலைவர்கள் புறக்கணிக்கின்றனராம்.

நீங்களே தட்டி விடுங்க
6. 'விசில் கட்சித் தலைவர் தங்களுடைய கூட்டணிக்கு வரவில்லை என்றால் என்ன, தல நடிகரையும் ரசிகர்களையும் எப்படியாவது தங்கள் பக்கம் திருப்புங்கள். அவரோடு பேசி சம்மதிக்க வைப்பதெல்லாம் இயலாத காரியம். நீங்களாகவே அவருடைய ஆதரவு இருப்பது போல, நாலா பக்கமும் செய்திகளை பரப்பி விடுங்கள். தல ஆதரவு நமக்கு இருப்பது போல தெரிந்தாலே, அவருடைய ஆதரவாளர்கள் நமக்கு ஓட்டு போடுவார்' என, இலை கட்சி தலைவர் உத்தரவிட, அதன்படியே செய்தி பரப்பப்படுகிறதாம்.