அதிகாரிகள் கூறியதாவது: தெற்கு ரயில்வேயின் 5087 கி.மீ., பாதையில், 97 சதவீத பணிகள் முடிந்துள்ளன. சில பாதைகளில் மின்மயமாக்கும் பணிகள் முடியும் நிலையில் உள்ளன.

குறிப்பாக, திருத்துறைப்பூண்டி - பட்டுக்கோட்டை மற்றும் காரைக்கால் பகுதிகளில் மின்மயமாக்கும் பணிகள், அடுத்த ஆண்டு மார்ச் மாதத்துக்குள் முடியும். ஊட்டி மலை ரயில், உலக பாரம்பரிய சின்னத்தில் ஒன்றாக இருப்பதால் புனரமைப்பு பணிகளும் மேற்கொள்ளப் படாது.

எனவே, தெற்கு ரயில்வேயில், ஊட்டி மலை ரயில் பாதை தவிர, மற்ற அனைத்து ரயில் பாதைகளையும் மின்மயமாக்கும் பணிகள், நடப்பு நிதியாண்டுக்குள் முடிக்கப்படும் என்றனர்.