பெஞ்சல் புயல் காரணமாக சென்னையில் நேற்று இரவு முதல் கனமழை பெய்து வருகிறது. இதனால், பல சாலைகள் வெள்ளநீர் சூழ்ந்து காணப்படுகிறது. ஏரிகள் வேகமாக நிரம்பி வருகின்றன.

முன்னாள் முதல்வர் கருணாநிதி வீடு அமைந்துள்ள கோபாலபுரம் பகுதியில் கனமழை கொட்டித் தீர்த்தது. இதனால், கருணாநிதி வீட்டையும் மழைநீர் சூழ்ந்து காணப்படுகிறது.

கடந்த மாதம்(அக்.,15) கனமழை கொட்டித்தீர்த்த போதும் கருணாநிதி வீட்டை மழைநீர் சூழ்ந்தது. அப்போது வீடு முன்பு மணல் மூட்டை அடுக்கி வைக்கப்பட்டு இருந்தது. தற்போது, அதுவும் வைக்கப்படவில்லை. தற்போது வெள்ளநீர் சூழ்ந்த புகைப்படம் வெளியாகி இணையத்தில் வைரலாகி உள்ளது. சென்னையில் கனமழை பெய்யும் போது எல்லாம், கருணாநிதியின் வீடு, மழைநீரால் சூழ்ந்து காணப்படுகிறது என நெட்டிசன்கள் கூறுகின்றனர்.