வரும் சட்டசபை தேர்தலில் யாருடன் கூட்டணி என, பா.ம.க., நிறுவனர் ராமதாஸ் இன்னும் முடிவுக்கு வரவில்லை. தி.மு.க., மற்றும் தே.ஜ., கூட்டணிகளில் பலமுறை முயன்றும், அவரது முயற்சி கைகூடவில்லை. இந்நிலையில், யாரும் எதிர்பாராதவிதமாக அவரது தைலாபுரம் தோட்டத்திற்கு நேற்றிரவு சசிகலா வந்தார். தற்போதைய தமிழக அரசியல் நிலவரம் குறித்து ராமதாசும் சசிகலாவும் ஆலோசனை நடத்தினர். ஒன்றரை மணி நேரம் பேசிய பின், சசிகலா புறப்பட்டுச் சென்றார்.

புதிய கட்சியை துவக்குவதாக அறிவித்து, கட்சிக்கொடியையும் அறிவித்துள்ள சசிகலா, இதுவரை எந்த கூட்டணியிலும் இணையாத ராமதாசை சந்தித்துப் பேசியிருப்பது, புதிய கூட்டணிக்கு அச்சாரமா என்ற கேள்வியை எழுப்பியுள்ளது.