சென்னையில், அவர் அளித்த பேட்டி:

உச்ச நீதிமன்றம் மற்றும் உயர் நீதிமன்ற தீர்ப்புகளின் அடிப்படையில், ஓய்வுபெற்ற நீதிபதி சொக்கலிங்கம் தலைமையில், ஐந்து பேர் கொண்ட குழு அமைக்கப்பட்டது. ஆனால், உயர் நீதிமன்ற உத்தரவின்படி வரலாறு, கல்வெட்டியல், கட்டடக்கலை உள்ளிட்ட பல்துறை சார்ந்த வல்லுநர் குழு அமைக்கப்படவில்லை.

இக்குழு ஒவ்வொரு கோவிலுக்கும், நேரில் சென்று கள ஆய்வு மேற்கொள்ளவில்லை. கோவில் அர்ச்சகர்கள் மற்றும் பூஜாரிகளிடம் பெறப்பட்ட ஒற்றை பக்க கடிதத்தில், ‘இக்கோவில் காமிக, காரண ஆகமப்படி இயங்குகிறது’ என, தன்னிச்சையாக ஒரு வரியில் எழுதிக் கொடுத்ததை, எவ்வித கேள்வியோ, ஆய்வோ செய்யாமல், இப்பட்டியல் தயாரிக்கப்பட்டு உள்ளது.

அறநிலையத்துறை வெளியிட்டுள்ள ஆகம கோவில் பட்டியலில், விபரீதங்களும், அப்பட்டமான ஆகம மீறல்களும் உள்ளன. காமிக ஆகமத்தின் தந்திராவதார படலம், வசனம் 106, 107ல் ஒரு கோவிலில் பல ஆகமங்களை கலப்பது குற்றம் என்கிறது. தற்போது எதற்காக இந்த ஆகம கோவில் பட்டியல் தயார் செய்யப்படுகிறது. இதன் நோக்கம் என்ன; ஆகம கோவில்களை எவ்வாறு வகைப்படுத்துவது என்பதற்கான வழிகாட்டுதல்களை, உடனடியாக தமிழக அரசு வெளியிட வேண்டும்.

தற்போது உள்ள ஆகம நிபுணர்கள் குழுவிற்கு பதில், ‘வரலாறு, கல்வெட்டியல், சிற்பக்கலை, கோவில் கட்டடக்கலை, ஆகம நிபுணர்கள் மற்றும் சைவ தத்துவ அறிஞர்கள் அடங்கிய, பல்துறை நிபுணர் குழுவை அமைக்க வேண்டும். தற்போது ஆகம கோவில் என வகைப்படுத்தப்பட்ட, 7,461 கோவில் பட்டியலை திரும்பப் பெற வேண்டும்.

இவ்வாறு அவர் கூறினார்.