அதன்படி, ஸ்ரீவாரி ஆர்ஜித சேவை எலக்ட்ரானிக் குலுக்கலுக்கான முன்பதிவு நாளை காலை 10:00 மணிக்கு துவங்கி, 21ம் தேதி காலை 10:00 மணியுடன் முடிவடைகிறது.

கல்யாண உத்சவம், ஊஞ்சல் சேவை, ஆர்ஜித பிரம்மோத்சவம், சகஸ்ர தீப அலங்கார சேவைகளுக்கும், அக்டோபர் 30ல் நடைபெற உள்ள புஷ்பயாகத்திற்கும், 22ம் தேதி காலை 10:00 மணிக்கு முன்பதிவு துவங்குகிறது.

ஆன்லைன் வாயிலாக தரிசிக்கும் கல்யாண உத்சவம், ஆர்ஜித பிரம்மோத்சவம், சகஸ்ர தீப அலங்கார சேவைகளுக்கான முன்பதிவு, 22ம் தேதி மாலை 3:00 மணிக்கும், அங்கப்பிரதட்சணத்திற்கான முன்பதிவு, 23ம் தேதி காலை 10:00 மணிக்கும்; மூத்த குடிமக்கள், மாற்றுத் திறனாளிகள் தரிசனத்திற்கான முன்பதிவு, அன்று மாலை 3:00 மணிக்கும் துவங்குகிறது.

அக்டோபர் மாத சிறப்பு தரிசனம், 300 ரூபாய்க்கான முன்பதிவு, 24ம் தேதி காலை 10:00 மணிக்கும், அன்று மாலை 3:00 மணிக்கு திருமலை மற்றும் திருப்பதியில் தங்கும் விடுதிகளுக்கான முன்பதிவும் துவங்குகிறது.