தமிழகத்தில் உள்ளாட்சி அமைப்புகளில், போட்டியின்றி மாற்றுத்திறனாளிகளை தேர்ந்தெடுக்கதமிழக அரசு வழி செய்தது. இந்நிலையில், அரசு பணியில் பதவி உயர்வில், 4 சதவீத இடஒதுக்கீடு வழங்க வேண்டும் என, மாற்றுத்திறனாளி சங்கத்தினர் அரசுக்கு கோரிக்கை விடுத்தனர்.

இதை கருத்தில் கொண்டு தமிழக அரசு, பதவி உயர்வில், 4 சதவீத இடஒதுக்கீடு வழங்கும் அரசாணையை பிறப்பித்துள்ளது.

அரசாணையில் கூறியிருப்பதாவது:

அரசு பணிகளில் பதவி உயர்வின்போதும், பணியிட மாறுதலின் போதும், மாற்றுத்திறனாளிகளுக்கு, 4 சதவீத இடஒதுக்கீடு வழங்கப்படும்.

இதில் பார்வை மாற்றுத்திறனாளிகள், செவித்திறன் பாதிக்கப்பட்டோர், பெருமூளை வாதம், தசைநார் சிதைவு, ஆட்டிசம், பிற மாற்றுத்திறனாளிகள் என, ஒவ்வொரு பிரிவிற்கும் தனித்தனியாக ஒதுக்கீடு வழங்கப்பட்டுள்ளது. இவ்வாறு கூறப்பட்டுள்ளது.

- -- நமது நிருபர் -