கடந்தாண்டு மார்ச் மாதத்தில், சன்,'டிவி'யில், நடிகை ரஞ்சிதாவும், நித்யானந்தாவும் இருப்பது போன்ற வீடியோ காட்சிகள் ஒளிபரப்பானது. இதுதொடர்பாக பெங்களூரு போலீசார் நித்யானந்தாவை கைது öய்தனர். இவை,'மார்பிங்' முறையில் தயாரிக்கப்பட்டது எனவும், இதை வெளியிடாமல் இருக்க, 100 கோடி வரை பேரம் நடத்தினர் என சமீபத்தில், நித்யானந்தா பத்திரிகையாளர்களிடம் அம்பலப்படுத்தினார். ரஞ்சிதாவும், நித்யானந்த பீடம் சார்பிலும், போலீசில் புகார் செய்யப்பட்டது.

இந்த வழக்கு சி.பி.சி.ஐ.டி., விசாரணைக்கு மாற்றப்பட்டது. கூடுதல் டி.ஜி.பி., சேகர், டி.ஐ.ஜி., ஸ்ரீதர் மேற்பார்வையில், எஸ்.பி., பரணிக்குமார் விசாரித்து வருகிறார். சில தினங்களுக்கு முன், நித்யானந்தா சாமியார் சி.பி.சி.ஐ.டி., ÷ பாலீசில் நேரில் ஆஜரானார். நடிகை ரஞ்சிதாவிடமும் போலீசார் ரகசிய விசாரணை நடத்தினர். வழக்கில் குற்றம் சாட்டப்பட்டுள்ள, சன்,'டிவி' சக்சேனா, அய்யப்பன் மற்றும் இதில் தொடர்புடைய லெனின் கருப்பனிடமும் விசாரணை நடத்த போலீசார் திட்டமிட்டுள்ளனர். விரைவில், மூவருக்கும் சம்மன் அனுப்பப்படும் என, உயர் அதிகாரி ஒருவர் கூறினார். விசாரணையில், 'மார்பிங்' முறையில், ஆபாச படம் தயாரித்தது தொடர்பாக பல்வேறு திடுக்கிடும் தகவல்கள் வெளிவரும் என, எதிர்பார்க்கப்படுகிறது.