திருச்சி மாவட்டம், மணப்பாறை சிப்காட் வளாகத்தில், ஜன., 28ல், இந்தியா முழுதும் இருந்து சாரணர் - சாரணியர் பங்கேற்கும், 'ஸ்கவுட் ஜம்பூரி' எனும் பெருந்திரள் கூடல் நிகழ்ச்சி நடைபெற உள்ளது.

அனைத்து மாநிலங்களில் இருந்தும், 20,000த்துக்கும் மேற்பட்ட சாரணர் - சாரணியர் இந்த நிகழ்ச்சிகளில் பங்கேற்க உள்ளனர்.

ஏழு நாட்கள் நடைபெறும் பல்வேறு நிகழ்ச்சிகளில் பங்கேற்கும் சாரணர் - சாரணியர் தங்கும் வகையில், 356 ஏக்கரில் கூடாரங்கள் அமைக்கப்பட்டுள்ளன.

பேரணி நிகழ்ச்சிகளுக்கான ஏற்பாடுகளை, பள்ளி கல்வித்துறை அமைச்சர் மகேஷ் நேற்று பார்வையிட்டு, அதிகாரிகளுடன் ஆலோசனை நடத்தினார்.