மதுரை; கார் மோதி ஆடுகள் பலியானதற்கு இழப்பீடு கோரிய வழக்கை உயர்நீதிமன்ற மதுரைக் கிளை தள்ளுபடி செய்தது.துாத்துக்குடி மாவட்டம் சூரங்குடி முனியசாமி தாக்கல் செய்த மனு: எனக்கு சொந்தமாக 200 ஆடுகள் இருந்தன. அருப்புக்கோட்டை-சாயல்குடி மெயின்ரோடு தொப்பலாக்கரை விலக்கு விவசாய பண்ணை அருகே ஆடுகளை மேய்த்துக் கொண்டிருந்தேன். ​​அடையாளம் தெரியாத கார் மோதியதில் 30 ஆடுகள் இறந்தன. கார் டிரைவர் மீது வழக்கு பதியப்பட்டது. இழப்பீடு கோரி கால்நடைத்துறை இயக்குனர், விருதுநகர் கலெக்டர், எஸ்.பி.,பரளச்சி போலீசாருக்கு மனு அனுப்பினேன். பரிசீலிக்க உத்தரவிட வேண்டும். இவ்வாறு குறிப்பிட்டார்.