நரிக்குரவர் சமூகத்தை சேர்ந்த ஒரு பெண் கல்வி மறுக்கப்படுகிறது என கூறும் வீடியோவை அண்ணாமலை சமூக வலைதளத்தில் பகிர்ந்துள்ளார். அவர் வெளியிட்டுள்ள பதிவில் கூறியிருப்பதாவது: முதல்வர் ஸ்டாலின், நீங்கள் சில நாட்களுக்கு முன்பு வெளியிட்ட மாநில கல்விக் கொள்கையின் ஒரு பகுதியா இது?

பிரதமர் மோடி நரிக்குரவர் சமூகத்தை எஸ்.டி பட்டியலில் சேர்ப்பதன் மூலம் அவர்களுக்கு அதிகாரம் அளித்தார். மேலும் திமுக அரசு அந்த சமூகத்தைச் சேர்ந்த ஒரு சிறுவனை பிறப்புச் சான்றிதழ் மற்றும் ஆதார் அட்டை இல்லாததால் அரசுப் பள்ளியில் இருந்து வெளியேற்றுகிறது.

திருவள்ளூர் மாவட்டத்தில் உள்ள தாசில்தார் அலுவலகம் உட்பட ஒவ்வொரு அரசு அலுவலகத்தின் கதவுகளையும் அவரது பெற்றோர் தட்டியுள்ளனர், ஆனால் அவர்கள் அலட்சியமாகவே இருந்தனர். திமுக அரசாங்கத்தின் கீழ், 'சமூக நீதி' என்பது பேச்சில் மட்டுமே உள்ளது, செயலில் அல்ல. இவ்வாறு அண்ணாமலை கூறியுள்ளார்.