உலக சாம்பியன் பட்டம் வென்ற, இரண்டாவது இந்தியர் என்ற பெருமையை, குகேஷ் தற்போது பெற்றுள்ளார். கோப்பையுடன், ரூ.11.03 கோடி பரிசுத் தொகை தட்டிச் சென்றார்.

சரித்திர வெற்றி பெற்றுள்ள இவருக்கு, பாராட்டுகள் குவிந்து வருகின்றன. 5 கோடி ரூபாய் பரிசுத்தொகை வழங்கப்படும் என, முதல்வர் ஸ்டாலின் அறிவித்துள்ளார்.

இந்நிலையில், இவரை கவுரவிக்கும் வகையில், பெங்களூரு பொது அஞ்சலகம், குகேஷ் உருவத்துடன், சதுரங்க காய்கள் இருக்கும் வகையில், சிறப்பு தபால் முத்திரை அச்சிட்டுள்ளது.