கோவை, சின்னியம்பாளையத்தில் தி.மு.க., 'ஐ.டி., விங் 2.0' கூட்டத்தில் விளையாட்டுத் துறை அமைச்சர் உதயநிதி பேசியதாவது:

கோவையில் 'சோஷியல் மீடியா' சிறப்பாக செயல்பட்டு வருகிறது. இங்குள்ள அ.தி.மு.க., நபர் ஒருவரை தொடர்ந்து பதற்றத்திலேயே வைத்திருந்தீர்கள். தி.மு.க.,வை ஒழிப்பதாக கூறியவர்கள் காணாமல் போய் விட்டனர்.

உண்மையில் பா.ஜ.,வின் மாநில அணி அ.தி.மு.க.,; அக்கட்சியின் தேசிய அணி பா.ஜ., தான். மீண்டும் பா.ஜ., ஆட்சிக்கு வந்தால், 'ஒரே நாடு; ஒரே தேர்தல், ஒரே உடை; ஒரே கட்சி' என்று வந்துவிடும். ஏன் இணையதளம் கூட இருக்காது. கடந்த தேர்தலுக்கு 'கோ பேக் மோடி' டிரெண்டிங் ஆனது போன்று, இந்த தேர்தலில் 'கெட் அவுட் மோடி' என்று நீங்கள் பரப்ப வேண்டும்.

இவ்வாறு, அவர் பேசினார்.