இது உண்மைதான் தமிழ் சினிமாவில் காமெடி பஞ்சம் இருக்கிறது. இப்பவெல்லாம் வயிறு வலிக்க ஏன் மனம் விட்டு கூட சிரிக்கிற காமெடி வருவது இல்லை. விவேக், மனோ பாலா போன்றவர்கள் காலமாகிவிட்டார்கள். கவுண்டமணி, செந்திலுக்கு வயதாகிவிட்டதால் நடிப்பது அரிதாகிவிட்டது. குழந்தைகள் முதல் பெரியவர்களை எல்லோரையும் சிரிக்க வைத்த வடிவேலு கதை நாயகனாக நடிப்பதில் ஆர்வம் காண்பிக்கிறார். அவர் காமெடியும் முன்போல இல்லை. சந்தானம், சூரியும் ஹீரோ ஆகிவிட்டார்கள். சதீஷ் கூட அந்த வழியில் செல்கிறார்.

கருணாகரன், கருணாஸ், ரோபோ சங்கர், ரமேஷ் திலக், சாம்ஸ் போன்றவர்கள் காமெடியில் இருந்து விலகி குணச்சித்ரம் பக்கம் போய்விட்டார்கள். மொட்ட ராஜேந்திரன் பீல்ட் அவுட் ஆகிவிட்டார். இப்போது இருக்கிற பெரிய காமெடியன் யோகிபாபு மட்டுமே. அவரும் பெரிய சிரிப்பை தருவதில்லை.

கடந்த சில ஆண்டுகளில் பெயர் சொல்லும் காமெடி நடிகர்கள், காமெடி படங்கள் உருவாகவில்லை. திறமையான காமெடியன்கள், நல்ல காமெடி படங்கள் இல்லாமல் வறட்சியில் தவிக்குது தமிழ் சினிமா.