சென்னை ஓட்டேரியை சேர்ந்தவர் உஷா, 42. அடையாறு மண்டலம், 169வது வார்டு, சைதாப்பேட்டையில் துாய்மை பணி செய்கிறார். சைதாப்பேட்டை, மெட்ரோ ரயில் நிலையம் அருகில், சாலையை சுத்தம் செய்து கொண்டிருந்தார்.

அப்போது, 25,000 ரூபாய் மதிப்புள்ள மொபைல் போன் சாலையில் கிடந்தது. மொபைல் போன் செயல்பாட்டில் இருந்ததால், அதில் உரிமையாளர் தொடர்பு கொள்வார் என, சில மணி நேரம் காத்திருந்தார்.

ஆனால், யாரும் தொடர்பு கொள்ளாததால், உயர் அதிகாரிகளுக்கு தகவல் தெரிவித்துவிட்டு, சைதாப்பேட்டை காவல் நிலையத்தில் ஒப்படைத்தார். இவரின் நேர்மையை, போலீசார் மற்றும் சக ஊழியர்கள் பாராட்டினர்.