சென்னை:சட்டசபையில், பா.ஜ., வானதி, ''டாஸ்மாக்கை மூடுவதாக அறிவித்து, இப்போது படிப்படியாக மது விற்பனைக்கு அனுமதி அளிக்கிறீர்களே'' எனக் கேட்டதற்கு, ''தி.மு.க., அரசின் கடந்த நான்காண்டு கால சாதனைகளை பொறுத்துக் கொள்ள முடியாமல், மக்களிடம் குழப்பத்தை ஏற்படுத்த வேண்டும்; அவப்பெயரை ஏற்படுத்த வேண்டும் என, ஒரு அரசியல் கட்சி பூதக்கண்ணாடி போட்டு தேடிப் பார்த்தது; ஒன்றும் கிடைக்கவில்லை. சாட்டையால்கூட அடித்துக் கொண்டனர். கடைசியாக அமலாக்கத் துறையை கொண்டு, அந்த துறைக்கே சம்பந்தம் இல்லாதவர் இடங்களில் எல்லாம் சோதனை மேற்கொண்டனர்.