சென்னை கோயம்பேடு காய்கறி சந்தைக்கு தினமும் அண்டை மாவட்டங்களில் இருந்து மட்டுமல்லாது, மாநிலங்களில் இருந்தும் தக்காளி விற்பனைக்காக கொண்டு வரப்படுகிறது. கடந்த சில நாட்கள் முன்பு ஒரு கிலோ தக்காளி ரூ.100 ஆக இருந்தது. வரத்து குறைவால் விலையேற்றம் இருந்ததாக வியாபாரிகள் கூறி இருந்தனர்.

இந் நிலையில் சென்னை கோயம்பேடு காய்கறிச் சந்தையில் தக்காளி விலை அதிரடியாக சரிந்துள்ளது. அதன்படி ஒரு கிலோ தக்காளி ரூ.18 முதல் அதிகபட்சம் ரூ.25 வரை விற்பனையாகிறது. அதேநேரம் சில்லறை விற்பனையில் ஒரு கிலோ தக்காளி ரூ.30 வரை விற்கப்படுகிறது.

அடுத்து வரக்கூடிய நாட்களில் தக்காளி விலையில் மாற்றத்தை எதிர்பார்க்கலாம் என்றும் விலையேற்றம் இருக்கும் என்றும் வியாபாரிகள் தெரிவித்துள்ளனர்.