சுற்றுலாத்துறை ஆய்வுக் கூட்டம், நேற்று சென்னையில் உள்ள, சுற்றுலா தலைமை அலுவலகத்தில் நடந்தது. கூட்டத்தில், அமைச்சர் ராஜேந்திரன் பேசியதாவது:

ஆண்டுதோறும் மானிய கோரிக்கையின் போது, புதிதாக அறிவிக்கப்படும் திட்டங்கள், சுற்றுலா துறை சார்பில் செயல்படுத்தப்படுகின்றன. அதன்படி, 21.98 கோடி ரூபாயில், பூம்புகார் பாரம்பரிய நகரம் புதுப்பித்தல்.

கரூர் மாவட்டம் பொன்னியாறு நீர் தேக்கத்தை, 2.29 கோடி ரூபாயில், சுற்றுலா தலமாக மேம்படுத்துதல்; உதகையில் 2.85 கோடியில் சுற்றுச்சூழல் முகாம் தலம் உருவாக்குதல் உட்பட, 20 இடங்களில், 78.59 கோடி ரூபாய் மதிப்பில், சுற்றுலா வளர்ச்சிப் பணிகள் நடந்து வருகின்றன. இப்பணிகளை விரைவாக முடிக்க வேண்டும்.

இவ்வாறு, அதில் கூறப்பட்டுள்ளது