அலட்சியமே காரணம்

விபத்து நடந்த இடத்தில் பாத யாத்திரை பக்தர்களுக்கு தனி நடைபாதை இல்லை. ரோடும் குறுகலாக உள்ளது. பல இடங்களில் இதே நிலை தான் காணப்படுகிறது. டிசம்பர் இறுதியில் இருந்தே பக்தர்கள் பாதயாத்திரை செல்ல துவங்கிய நிலையில், தேவையான வசதிகள் இதுவரை செய்து தரப்படவில்லை. தங்குமிடம், குளியல், கழிப்பறை வசதியின்றி பக்தர்கள் தவிக்கின்றனர். போலீஸ் தரப்பிலும் போதுமான பாதுகாப்பு வழங்கப்படவில்லை. பக்தர்களுக்கு வழக்கமாக வழங்கும் ஒளிரும் ஜாக்கெட், குச்சிகளையும் போலீசார் வழங்கவில்லை.அதிகாலை என்பதால், பனிமூட்டத்தில் பக்தர்கள் நடந்து செல்வது சரிவர தெரிவதில்லை. அருகில் செல்லும்போது தான் வாகன ஓட்டிகளுக்கு தெரிகிறது. ஒளிரும் குச்சிகள், ஜாக்கெட்கள் இருந்தால் இவ்விபத்தை தடுத்திருக்கலாம்.