சென்னை, ஓட்டேரி காவல் நிலைய எல்லைக்குள் நடந்த சோதனையில், பறிமுதல் செய்யப்பட்ட குட்கா, மாவா உள்ளிட்ட 15 லட்சம் ரூபாய் மதிப்பிலான, 770 கிலோ போதை வஸ்துகள் காவல் நிலையத்தில் வைக்கப்பட்டிருந்தன.

நீதிமன்ற வழக்குக்கு ஆதாரமாக வைக்கப்பட்டிருந்த இந்த போதை வஸ்துக்களை, கடந்த டிச., 5ம் தேதி சாதாரண உடையில் இருந்த காவல் துறையைச் சேர்ந்தவர் எடுத்துச் சென்று, வெளியே நின்றிருந்த ஒருவரிடம் கொடுத்துள்ளார்.

இக்காட்சி கண்காணிப்பு கேமராவில் பதிவாகி இருந்தது. வாகனத்தில் வைக்கப்பட்ட குட்கா பொருட்களுடன் அந்த நபர் செல்லும் காட்சியும் பதிவாகி, சமூக வலைதளங்களில் பரவியது.

இந்த நிலையில், இவ்விவகாரம் தொடர்பாக சம்பந்தப்பட்ட நுண்ணறிவு பிரிவு தலைமை காவலர் வெங்கடேசன், மேற்கு மண்டலத்திற்கு பணியிட மாற்றம் செய்யப்பட்டார். மேலும் துறைரீதியான விசாரணை நடக்கிறது.