ஜி.கல்லுப்பட்டி ரைஸ்மில் தெரு வைச் சேர்ந்தவர் பெருமாள்பிரபு. இவரது நண்பர் உசிலம்பட்டி எருமாபட்டி காலனி, கிழக்கு தெருவைச் சேர்ந்த ராமராஜ். இருவரும் ஜி.கல்லுப்பட்டியிலிருந்து- நேற்று முன்தினம் இரவு கொடைக்கானலுக்கு கூலி வேலைக்கு டூ வீலரில் சென்றனர். பெருமாள்பிரபு ஓட்டினார். கொடைக்கானல் ரோடு அம்சாபுரம் பால்கனகராஜ் தோட்டம் அருகே எதிரே வந்த வேன் , டூவீலர் மீது மோதியதில் பெருமாள்பிரபு, ராமராஜ் பலியாயினர். விபத்து ஏற்படுத்திய சிவகங்கை மாவட்டம் கல்லுாராணி மேலக்கோட்டையைச் சேர்ந்த வேன் டிரைவர் அசோக்குமாரை தேவதானப்பட்டி போலீசார் தேடிவருகின்றனர்.