தமிழகம் மற்றும் கர்நாடகாவின் காவிரி நீர்பிடிப்பு பகுதிகளில் பெய்த மழையால், கடந்த வாரம் ஒகேனக்கல்லுக்கு நீர்வரத்து அதிகரித்திருந்தது. தற்போது, மழை குறைந்ததால் நீர்வரத்து சரிந்துள்ளது. தமிழக எல்லையான பிலிகுண்டுலுவில், நேற்று முன்தினம் மாலை, 4:30 மணிக்கு வினாடிக்கு, 14,000 கன அடியாக இருந்த நீர்வரத்து, நேற்று மாலை, 5:00 மணிக்கு, 8,000 கன அடியாக சரிந்தது. மெயின் அருவி, சினி பால்ஸ், மெயின் பால்ஸ், ஐந்தருவி, ஐவர்பாணி உள்ளிட்ட அருவிகளில், தண்ணீர் சீரான அளவில் கொட்டுகிறது.