பெரம்பலுார், தென்சென்னை, சேலம் உள்ளிட்ட சில மாவட்டங்களின் தலைவர்கள், தி.மு.க., எப்போதுமே கூட்டணி கட்சிகளுக்கு உரிய மரியாதை அளிப்பது இல்லை என குற்றம் சாட்டினர். அவர்கள் கூறியதாவது:

திருமாவளவனுக்கும், தமிழிசைக்கும் மரியாதை கொடுக்கிற தி.மு.க., அமைச்சர்கள், காங்கிரஸ்காரன் என்றால் கண்டுகொள்வதே இல்லை. ஸ்டாலினுக்கு பொன்னாடை அணிவிக்க செல்லும்போது கூட, நம் கட்சியினர் ஓரங்கட்டப்படுகின்றனர். சால்வையை போர்த்த வேண்டாம்; கையில் கொடு என்கின்றனர்.

அமைச்சர்களும், அதிகாரிகளும் நாம் வைக்கும் எந்த கோரிக்கையையும் செய்து கொடுப்பதில்லை. எனவே, உள்ளாட்சி தேர்தலில் அவர்களுடன் கூட்டணி தேவையில்லை; தனித்து போட்டியிடலாம்.

டில்லி தலைவர்களுக்கு தேவையானதை செய்து கொடுத்தால், கட்சிப் பதவி கிடைக்கிற நிலை நம் கட்சியில் இருக்கிறது. இது ஒழிய வேண்டும். தகுதி படைத்தவர்களுக்கு பதவி தர வேண்டும். மாவட்ட தலைவர்களை மாற்றக் கூடாது.

இவ்வாறு அவர்கள் கூறினர்.