தமிழக சட்டசபையின் முதல் நாள் கூட்டம், கடந்த, 20ம் தேதி துவங்கியது. கவர்னர் தன் உரையை நிகழ்த்தாமல் வெளியேறியதால், அவரது உரையை சபாநாயகர் அப்பாவு வாசித்தார்.

இதைதொடர்ந்து, 24ம் தேதி வரை சட்டசபை கூட்டம் நடத்தப்பட்டது. விரைவில் சட்டசபை தேர்தல் நடக்கவுள்ளதால், 2026 - 27ம் ஆண்டிற்கான பொது பட்ஜெட், வேளாண் பட்ஜெட் தாக்கல் செய்ய முடியாது.

எனவே, நிதி நிர்வாக பணிகளுக்காக இடைக்கால பட்ஜெட் தாக்கல் செய்வதற்கான ஏற்பாடுகளை, அரசு துவக்கியுள்ளது. இதுதொடர்பாக ஆலோசித்து முடிவெடுக்க, பிப்ரவரி 5ம் தேதி, சென்னை தலைமை செயலகத்தில், தமிழக அமைச்சரவை கூட்டம் நடைபெற உள்ளது.