ஐந்தும் கன்னிவெடி!

3. சைக்கிள் கட்சிக்கு, கூட்டணி தலைமை ஒதுக்கிய தொகுதிகளெல்லாம் அமைச்சர்களையும், வி.ஐ.பி.,க்களையும் எதிர்க்க வைப்பதாக ஆகி இருக்கிறது. 'ஐந்து கொடுத்து விட்டு, அத்தனையும் காலியாகும் தொகுதிகளை கொடுத்தால் எப்படி. அதற்கு பேசாமல் கட்சியை தேர்தலில் போட்டியிடாமல் இருந்திருப்பேனே?'என புலம்புகிறாராம் வாசமான அந்த முன்னாள் சைக்கிள் தலைவர். 'தேர்தலுக்கு பின், தாமரையிலேயே ஐக்கியமாகிடுங்க' என சொல்லி தலைவரை சமாதானப்படுத்துகின்றனராம்.

கடந்த முறை 'மைக்' எடுத்து பேசி, ஊரெல்லாம் பிரசாரத்தில் ஈடுபட்ட அந்த சிங்கக் குரல் நடிகர் தலைவர், இப்போது விவசாயியோடு விவசாயியாக ஏர் கலைப்பையோடு தேர்தலை நோக்கி கிளம்பி இருக்கிறார். அவருக்கு கட்சி நிதி என்று எதுவும் இல்லாததால், தேர்தலை எப்படி எதிர்கொள்வது என புரியாமல் தட்டு தடுமாறுகிறாராம். பிரசார வேன் துவக்கத்திலேயே மக்கர் செய்ய, நண்பர்கள் யாராவது பிரசார வேன் கொடுத்து உதவ மாட்டார்களா என காத்திருக்கிறாராம்.