வி சில் கட்சியின் மூத்த தலைவராக இருக்கும் செங்ஸானவர், தலைவரின் பிரசாரத்துக்கு செய்ய வேண்டிய தேர்தல் நடைமுறைகள் குறித்து முன் கூட்டியே எடுத்துக் கூறினாராம். ஆனாலும், அதை கொஞ்சமும் கண்டு கொள்ளாமல், எல்லாம் தெரிந்தவர்கள் போல், கடைசி நேரத்தில் போலீஸ் அனுமதிக்காக கொடுக்க, அனுமதி மறுக்கப்பட்டு விட்டது. அதற்கு, சூரிய கட்சியை குறை சொல்லி தப்பிக்கப் பார்க்க, நடந்ததையெல்லாம் தலைவருக்கு எடுத்துச் சென்றுள்ளாராம் செங்ஸ் தலைவர்.

செ ன்னையின் ஆர்.கே.நகர் தொகுதியை கேட்டு சூரிய கட்சி தலைவரிடமே அடம் பிடித்திருக்கிறார் சிறுத்தை தலைவர். 'அருகில் இருக்கும் தொகுதியை கொடுத்து, ஜெயிக்கவும் வைக்கிறோம்' என்று டெல்டா பகுதியின் மீசை அமைச்சர் சொல்ல, 'என்னது அங்க இருந்துகிட்டு இங்க ஜெயிக்க வைப்பீங்களா... அண்ணே, நீங்க என்ன செய்வீங்கன்னு தெரியும். எனக்கு ஆர்.கே.நகரையே கொடுங்க' என்று சிறுத்தைத் தலைவர் கெஞ்ச, சூரிய கட்சி தலைவர் சிரித்து விட்டாராம்.

4. கை கட்சியில் 28 தொகுதிகளை போராடி பெற்று கொடுத்ததில், செல்வமான தலைவருக்கு மேலிடத்தில் மவுசு கூடியிருக்கிறதாம். இதையடுத்து, 28யும் ஜெயிக்க வைங்க. அதுக்காக, வேட்பாளர் தேர்வை சிறப்பா நடத்துங்க என, மேலிடத்தில் இருந்து பச்சைக் கொடி காட்டி உள்ளனராம். போதாதா... மனிதர், தனக்கான செல்வத்தை எப்படியாவது பெருக்கி விட வேண்டும் என முடிவெடுத்து, பசையான நபர்களை வேட்பாளர்களாக்க மீட்டிங் மேல் மீட்டிங் நடத்திக் கொண்டிருக்கிறாராம்.

5. கூட்டணி கட்சிகளை தொகுதி பங்கீட்டுக்கு அழைத்துப் பேசி, அவர்கள் கொடுத்த நெருக்கடிகளையும் அழுத்தங்களையும் தாங்கி, சுமுகமாக பேச்சை முடித்ததில் முழு பங்கும் சூரிய கட்சித் தலைவருக்கு மட்டுமே உண்டாம். அவருடைய வாரிசு தலைவரோ, இது குறித்து எதுவுமே கண்டு கொள்ளாமல் இருந்து விட்டு, திடுமென வேட்பாளர் தேர்வில் மட்டும் மூக்கை நுழைத்து, தன்னுடைய ஆதரவாளர்களையும் ஜால்ராக்களையும் பட்டியலில் நுழைக்க, தலைவருக்கு இம்சையாகி விட்டதாம்.

6. தாமரை கட்சியில் இருந்து இலை கட்சிக்கு டிரான்ஸ்பர் ஆன இரு நடிகையருக்கும் கபாலி குடிகொண்ட தொகுதியிலும், அரச பாளையத்திலும் சீட் கொடுப்பதாக, தலைவர் உறுதி கொடுத்திருந்தாராம். ஆனால், அவ்விரு நடிகைகளுக்கும் சீட் கொடுக்கக் கூடாது என்று கட்சியிலேயே இருக்கும் பெரிசுகள் சிலர், தலைவருக்கு தூபம் போட, இரு தொகுதிகளையும் கூட்டணி கட்சிகளுக்கே தலைவர் தாரை வார்க்க, நடிகைகள் இருவரும் கிளிசரின் இல்லாமல் அழுகிறார்களாம்.