எதிர்காலத்தில் விண்வெளி அறிவியல் மற்றும் தொழில்நுட்ப துறையில், நாட்டை வளர்ச்சியடையச் செய்யும் வகையில், இந்திய விண்வெளி ஆய்வு நிறுவனமான இஸ்ரோ சார்பில், மாணவர்களுக்கு பயிற்சி அளிக்கும் வகையில், 'இஸ்ரோ யுவிகா' என்ற இளம் விஞ்ஞானி திட்டம் செயல் படுத்தப்படுகிறது.

இதில், விண்வெளி அறிவியல் தொழில்நுட் பம், ஆராய்ச்சி மற்றும் வேலை வாய்ப்புகள் குறித்து பயிற்சி அளிக்கப்படும். இதற்கு, ஒன்பதாம் வகுப்பு படிக்கும் மாணவர்கள், வரும், 27ம் தேதி முதல், மார்ச் 31ம் தேதி வரை விண்ணப்பிக்கலாம்.

அவர்களின் எட்டாம் வகுப்பு மதிப்பெண், 'ஆன்லைன்' வழியில் நடத்தப்படும் வினாடி - வினா மதிப்பெண் உள்ளிட்டவற்றின் அடிப்படையில், தேர்வு பட்டியல், ஏப்., 13ல் வெளியிடப்படும். மே 11 முதல் 22ம் தேதி வரை பயிற்சி வகுப்புகள் நடத்தப்படும்.

நாடு முழுதும் உள்ள இஸ்ரோ மையங்களில், இந்த பயிற்சி வழங்கப்படும்.