ஆஸ்திரேலிய பிரதமர் அந்தோணி அல்பானீஸ், தன் தோழியான நிதி சேவைகள் துறை நிபுணரான ஜோடி ஹேடனை, ஆஸ்திரேலியா தலைநகர் கான்பெர்ராவில் உள்ள பிரதமரின் அதிகாரப்பூர்வ இல்லத்தில் வைத்து நேற்று திருமணம் செய்து கொண்டார்.

கடந்த 2022ல் மெல்போர்னில் நடந்த ஒரு நிகழ்ச்சியில் இருவரும் சந்தித்துக் கொண்டனர். அல்பானீஸ் பிரதமராக பொறுப்பேற்றபின், சர்வதேச பயணங்கள் மற்றும் பல முக்கிய பொது நிகழ்ச்சிகளில் இருவரும் இணைந்து காணப்பட்டனர்.

நான்கு ஆண்டுகால நட்புக்கு பின், ஹேடனை திருமணம் செய்யும் விருப்பத்தை அல்பானீஸ் தெரிவித்ததைத் தொடர்ந்து, கடந்தாண்டு பிப்ரவரி 14ம் தேதி, காதலர் தினத்தன்று திருமண நிச்சயதார்த்தம் நடந்தது.

இதைத்தொடர்ந்து, இருவரும் நேற்று அதிகாரப்பூர்வமாக திருமணம் செய்து கொண்டனர்.

குடும்பத்தினர் மற்றும் நெருங்கிய நண்பர்கள் மட்டுமே கலந்துகொண்ட ஒரு சிறிய, தனிப்பட்ட விழாவாக இது நடைபெற்றது.

தன் முதல் மனைவி கார்மெல் டெப்பட்டை, 20 ஆண்டு கால திருமண வாழ்க்கைக்குப் பின், 2019ல் விவாகரத்து செய்தார் அல்பானீஸ். டெப்பட், ஆஸ்திரேலியாவின் நியூ சவுத் வேல்ஸ் மாகாண முன்னாள் துணை முதல்வராக இருந்தவர்.