அமெரிக்க அதிபராக டொனால்டு டிரம்ப் பதவி ஏற்ற போதே தங்களுக்கு வரி விதிக்கும் நாடுகளுக்கு அதே அளவு வரி விதிக்கப்படும் என்று எச்சரித்தார். அடுத்தடுத்து சீனாவுக்கு வரி மேல் வரி போட்டார். இதையடுத்து பதிலுக்கு வரி சீனாவும் வரி விதித்தது. சீன பொருட்களுக்கு இறக்குமதி வரியை 245 சதவீதமாக உயர்த்துவதாக டிரம்ப் அறிவித்தார். இது இரு நாடுகளுக்கு இடையே வர்த்தகப் போரை அதிகரித்தது.

இந்நிலையில், ''வர்த்தகப் போரில் சீனா அதிகமாக பாதிக்கப்படும்'' என அமெரிக்க அதிபர் டொனால்டு டிரம்ப் தெரிவித்துள்ளார். இது குறித்து டிரம்ப் கூறியதாவது: பொருளாதாரத்தில் மந்த நிலை நிலவுகிறது. இதனால் வரி விதிப்பது அவசியம் ஆகிறது. பொருளாதார நெருக்கடிக்கு முன்னாள் அதிபர் ஜோ பைடன் தான் காரணம். நமது நாட்டின் பொருளாதாரம் வளர்ச்சி அடையும். இதற்கு சிறுது நேரம் ஆகும்.

அமெரிக்கா சீனாவில் இருந்து இறக்குமதி செய்யப்படும் பொருட்களை சார்ந்து இல்லை.அமெரிக்க குழந்தைகளுக்கு 30 பொம்மைகளுக்கு பதிலாக இரண்டு பொம்மைகள் கிடைக்கக் கூடும். இரண்டு பொம்மைகளும் வழக்கத்தை விட இரண்டு டாலர்கள் அதிகமாக இருக்கலாம். ஆனால், வர்த்தகப் போரில் சீனா அதிகமாக பாதிக்கப்படும். இவ்வாறு டிரம்ப் கூறினார்.